من دون راوي أو دليله ونشاد

من دون راوي أو دليله ونشاد=معروف راع الأوله والجزيله
اللي على درب النواميس معتاد=وأسمه فخر للمرجله والقبيلة
له بالمراجل منزله وأسم وشداد=وتضرب بها امثال الوفاء والجميله
هذا ابراهيم الحاتمي نسل الأجواد=منجد جده والكرم ينتمي له
هذا الأمير اللي على الطيب وراد=يروي ضمى المحتاج وابل هميله
مثبتٍ طيب الفعايل بالأوتاد=ومشرعٍ باب الكرم والفضيلة
على الشحم مع دلة العز وقاد=طيبٍ يدور بمجلسه كل ليله
في كل لازم ابيض الوجه يزداد=مال الكرم في سيد الجود حيله
محزم خويه والنعم يا ابن عواد=براق وبلٍ في يمينه تخيله
ترفع له البيضاء على روس الأشهاد=من فوق رجم الشامخات الطويلة .