رسم خريطه جغرافيه للشبحه بكلمات من الشعر مبين الحدود والمعالم الريئسيه

لعل من دبــة السهــــله ليــــا الثبــره ليــا الكــيـل = ومن ضلع ابا الخير لامـــــــنك تعدا الخـيبريه
ومن ريع تردِف إلا مــنك تشوف العين بالعيـــن = ومن المـحاريث لامنــــك تجي صقـــع الشـفيه
ومن الدفــادف ليـا الصُــرَه لعــله يعـــمه الســيل = عطـيــة اللـــي لاقــال يكــون يجعــلها ســـقـيه
ونزرعك بالديــره اللي ماتحب النقـــص بالكــيل = عيـت عن الدخـــن والشـعير غيـــر الزرعــيه
ونزرع بضو النهار وفي نـــاس تحــرث باللـــيل = وابعد عن الـحد ياللي ماتبـــي قــرب الخطــيه
ونصبر عليها ثلاث شـــــهور ثم نزيـد شـــهرين = وثمين نصَـــرمك ياديــارآ مشاربها عـــــذيــه
ابن بخَيّــــت وإبن وازن وابـــو حمــدان بالحــيل = بيوتهم بايــنه مــاهــي على الطــرقي خــفـــيه
أهل بيــــوت الشعَــر ومــزينَه بالبِـن والهـــــيل = أجواد لاجـاهم المحــتــاج مــدتــهــم صخــيــه
قدام خمســــين عام وزرعـها كــظــلمة اللــــيل = ونصرم بوقت الصــرام ومنـه يعطون العطـيه
من النثيله إلى الحاجـــر وشمال تــحدها العــيـن = ويحدها من جــنوب سهومنا اللــي بالشــفــيـــه
ويحدها غرب عـُـضد وفيه ضلـــعان مــن الكين = ومن شرق حرة حـبيش اللي على الطرقي حفيه
وفيها نخل فالحــود وفــــيه فالساقي نخــل زيــن = ورجـــالـــها طيــبـــين ومايكــنـــون التـــحـــيه
فيها النخل والخزامــى وريــحها يقعـدك فاللـــيل = تشبه لريح المشــاتـــل باللـــيــالي الموســـميــه
يارب تسقى وطنّا من المطـر يامـخلِصّ الدِيــن = من فضلك أطلبك تسقيها ثعــول مـــن النـــــزيه
ومن شذ عن عزوته مايعتبر في نجــمة ســهيـل = جوم تمـــشي ســــوا وسهيل منحي لــــه بــــنيه
وهذا كلام الحميدي واسمعوا كاد إن بـــه مـــيل = أدرى على القاف بـــس القاف مايـــدرى عَـليّـــه
وصلوا على المصطفى صفوة قريش معدل الكيل = نبيـــنا اللــي عَــــطاه الله جـــــزلات العــطــــيه