الهواجس

الهواجس بالضماير والقصيد رساله= كلن يصخر بيوته حسب ما يبدأ له
‏وأحمد الله هاجسي بالماقف يجملني=في مديح اهل الفعول ومحتمين القاله
اكتب بيوت القصيد العذب وارتبها=والقصايد قدرها من قدر من تهداله
امدح اللي لامدحته في كلامي صادق=واترك اللي صورة اهل المدح ماتزهاله
الرجال اللي مواقفهم تسر الناظر=فعلهم لاعدت فعول الرجال لحاله
‏يا سلام الله على شيخاً فعوله تذكر=والنشاما بالمجالس يذكرون افعاله
‏وقفته من دون ربعة في نهار الشدة=زودت عند القبايل قدره ومنزاله
‏‏ابوعبدالله كريم ويستحق الشيخة=شيختاًمانالها إلا اللي معرب خاله
‏شيختك ما هي بشيخة بشت والاكرسي=شيخة اللي في العلوم الكايدة يعناله
‏شيخته ما هي عرية ورث ابوه وجده=والكريم اللي يقدم طيبه تبقاله
مجلسه بالطيب وعلوم النشاما عامر=ماقفل بابه عن العاني ولا جواله
عزوته عزوت جهينه والنعم بجهينه=قدرهم بين النشاما مختلف منزاله
‏‏يوم وقفات النشاما تنحسب وثمن=اشهد انه دون ربعة ما تغالا ماله
يوم جيته في لزومي ماتعذر دوني=قبل يقضي لازمي يكفيني استقباله
ضارياً بالاوله والاوله راعيها=بالعلوم الطيبه مافيه احد يبراله
‏العلوم الطيبة من جانبه مضمونة=بذن ربي ماتجينا الناقصه من جاله
شيختاً ماهي كذا مانومست صاحبها=ماتسر ولاتزود واحداً تعطاله
يابراهييم انت رجالاً ينومس ذكره=والردي ما يسر لا في ذكره ولا بإقباله
والمديح الي بلا فعلاً يبو غبدالله=ماتورد للعدود الراهيات حباله