فعلك يسدك

اللي مع الايام يعطيك سره=حافظ على سره ولو جات ميله
واللي مع الأيام يكفيك شره=عز الله انه فيك سوى جميله
ابعد عن النمام مليون مره=اللي على هرج القفى شد حيله
وصاحب رجل في الوقت لله دره= فالماقف الغصاب حملك يشله
جارك لونه جات منه المضره=ادمح له الزله وتكسب فضيله
اصبر صبر ايوب لو ذقت مره=اصبر وتلقى فالختام الحصيله
اصبر على وقتك برده وحره=ترى ضلام الليل مسرع رحيله
لاتجادل الجاهل بمثقال ذره=خله ترى لابد مثله يجيله
ولاتشتري مدحك بكذب وتشره=فعلك يسدك والحقايق دليله
بالمدح لو تاصل حدود المجره=معروف بين الناس نوع الفصيله