ذكرتني

الشاعر : محمد صالح الحبيشي

ياسعود حركت الجروح القديمه=‏وذكرتنا في وقتنا اللي نسيناه
‏ياسعود تعذيب المشاعرظليمه=‏اللي يضايق صاحبك كيف ترضاه
‏ذكرتني حر الغرام ونسيمه=‏جربت ساعات الفرح والمعاناه
‏اللي مضا نركب على شداد ريمه=‏ونصل المكان اللي نبي ونتعداه
‏واليوم جارك معترف بالهزيمه=‏قام الزمان يعانده ويتحداهه

الشاعر : عبدالعزيز سليم العروي

قالو تمشا قلت مامن غنيمه=ماتنفع المشيه على غير مشهاه
النفس تطلب بس ما شي عزيمه=والي تبيه النفس ماضن تلقاه
والنفس لعافت تذب الخريمه =تروح للي تشتهيه وتمناه
ليت العوافي دايمه مستديمه =وشداد ريمه كل واحد تمثناه
كلن عليه احموله الي تضيمه =لكن على وال المقادير مشكاه