حرب يثنون على موقف الشيخ رشيد مصلح الحبيشي الجهني

بسم الله اللي يبدي الخلق ويعيد=الباري الجبار رب الجلالة
بك نستعيذ من الخطأ والمناقيد=عبدك وابن عبدك عليك اتكاله
يا طير يلي عادتك تطوي البيد=لك عندنا يا لحر الأشقر رساله
من دار أبو سلمان بالرس تحديد=اللي محصل نعم لا جاء مجاله
وانا وريثه بالشعر و المناشيد=ليث رحل كرامته راس ماله
ورسالتي يا طير تلفي الاواليد=تنصا جهينة مدركين الجمالة
الطيبين الغانمين الاجاويد=اهل العلوم الفاخره والشكاله
لهم منا بيضاء من العيد للعيد=بيضا تلالا فوق عالي جباله
بيضاء تعم العود واللي على الديد=ما اخص فيها حالة دون حاله
ورشيد له بيضاء على نايف الحيد=اللي فدا الحربي بغالي عياله
صبر على جور الزمن والتناكيد=واضفى على جيران داره جلاله
من دون مال وجاه من زيد وعبيد=وعن مغريات النفس كرم سباله
عفا لوجه شريف المقاصيد=وابعد عن المديون سيف العداله
وفك السجين من الكلبشات والقيد=قرم مجود بين عمه وخاله
اعلن تباشير العفو دون ترديد=فعل تبناه الحبيشي لحاله
جنب سماسرة البشر ولمقاريد=واهل الضلال وكل بدعة ضلاله
يالقرم ورثة الوفا والاماجيد=يوم ان بعض الناس ورثه كلاله
وربعك حبيش الشامخين الصناديد=كرام الوجيه اهل الوفاء والجزاله
تشهد لهم عوص النضا والبواليد=يوم المفاخت ما يدور حلاله
ولو امدح الجهنان وأقول واشيد=عن حقهم شعري تجذا حباله
وسجلهم التاريخ وقفه وتمجيد=بقيادة الهادي وديع الرساله
صحابة اللي بدد الشرك تبديد=بصفه شريفين النسب والسلاله
وارجع وأكرر وارفع الشكر وازيد =لأبن الحبيشي جمل الله حاله
هذي رساله من صبي المحاميد=نيابة عن حرب مني وصاله