بمناسبة حفل زواج ابناء عيد فالح الحبيشي

يا منزل الأحقاف والنون والصاد=رب العباد وكلنا عابدينه
تحفظ لنا دار الأصاله والأمجاد=وتعيش بأمرك في أمان وسكينه
وتحفظ مليكاً قاد وللمجد رواد=سلمان وسلمان الحزم خابرينه
حراً وطبعه للصعيبات معتاد=مخلص ويرضي كل شعبه ودينه
وابنه محمد للوطن عز واسناد=عضيد ابونا ودايماً له عوينه
واللي بغوا تفجير في دار الأسياد=تبطو عظم ياهل النفوس اللعينه
اما بعد ياهل المكارم والاجواد=فياض شعري بفضل ربي ثمينه
ماني مولّم لي سجاره وبراد= ولاني بحاجة سبحةٍ في يدينه
طبعي لك الله للجزيلات صياد=اسبح بحور الشعر واخذ سمينه
وجيتك يابن فالح ولي خير ميعاد=وجينا نبارك والحفل واصلينه
ما همني خط السفر وبُعد الابعاد=قال المثل للعين تكرم مدينه
لو موقع الحفله على حد بغداد=احضر وارحب والمشاعر رزينه
يا مرحبا ترحيبةٍ مالها اعداد=باللي لفا واللي حضر شاكرينه
ترحيبةٍ سلم العوايد والأجداد=نسوقها لأهل العقول الفطينه
وطبع الثناء ينصى ويزهى وينقاد=الطيب منبعهم وهم كاسبينه
علي وعادل والنعم دون تعداد=أشبال من ذاك الأسد في عرينه
من ربعي اللي حبهم بالحشا زاد=أهل الشفا وأهل الدروع الحصينه
حبيش عز الربع والفخر قد شاد=متربعة فوق النجوم المبينه
موروثنا شاهد على روس الاشهاد=متوارثينه من اوايل سنينه
اصغر حبيشي باللعب يطلق زناد=يعرض ويرمي جعل تسلم يمينه
ربعي لهم بالمجد مصدر وميراد=تاريخنا كل العرب عارفينه
وصل الله وسلم على خير من ساد=اعداد من زار الحرم والمدينه