راع الأوله

سلام لبو عبدالله عد قطرات الغمام=ويامرحبا ترحيبة الذ من طعم العسل
مني لبو عبدالله قدرن وشيمه واحترام=اقدره تقدير اخو وأغليه لو قل الوصل
على المحبه والوفا قلوبنا تكن الاحترام =ترغب كبير القوم لون شوفه ماحصل
راعي العلوم الغانمه َوقفاته العليا حسام=ان كان للعليا بطل انا شهد انه اكبر بطل.
ولا جا نهارن. كثرت به العزاوي والزحام.=يثبت ثبات طويق واقوى من صم الجبل
(حبيش) مكرمين الضيف شجعان حشام=يميز طيببهم كل رجال فطين وبه عقل
من لابة (جهينه) كريمين الصف عالين المقام=اسم شمخ بين القبايل وله وزن وثقل
ابو عبدالله يامحزمي لاخالط الصفو العسام=لاصار بالدنيا ميول ولاصار بالدنيا خلل
لابد مالدنيا تدور وتكشر انياب الخصام=لابد نحتاج الخوي والامر بأذن الله سهل
رسالتي بتاصلك مبنيه بصدق الكلام=وماكاتبه ربي يصير وماكتبه ربي حصل
ولي شرع شرعه وشرع لنا حكَم الصيام=الامل بربن كريم يعطي الجزل الجزل
ثم اعنزها لصديق الي له قدر ومقام =لعل تاليها تزين. ويسير تاليها َسهل
واختم كلامي بالصلاة ع النبي خير الانام=اعداد مالب الملبي وإعداد حبات الرمل