قصيدة مهداه من الشاعر عبدالله حسان الحبيشي

سلام ياصقر المراجل والافعال=صقر حبيش الي عزيزن مقامه
ياعيد والله شيختك قدر واجلال =قول وفعل طيبن وعزم وقرامه
شيختك ماهي شيخة بشوت وعقال =ولاهي بشيخة صورة وابتسامه
شيختك مضرب للمراجل والامثال =في ذمتي شيختك عز وكرامه
تكرم عن اللي شايل البشت يختال= بالموقف اللي ماتشيله عظامه
من ساس ربعن للمواجيب مدهال =والسبعة انعم في شيوخ الجهامه
يالشامخ اللي ابقمة المجد مازال =حييت ياراس الفخر ياسنامه
لك مسكنن فوق الطويله ومنزال =ماكرحرار وموطنن للشهامه
ياصقر ربعك في صعيبات الاحوال =زعيم َطيب وحيها من زعامه
والمدح فيك بذمتي مابه اجدال =المحترم يفرض عليك احترامه
سلام ياصقر المراجل والافعال =صقر حبيش الي عزيزن مقامه